Stærðfræði I

Námsgrein	T-101-STA1
Önn	20241
Einingar	6
Skylda	Já

Ár	1. ár
Önn	Vorönn/Spring 2024
Stig námsgreinar	1. Grunnnám, grunnnámskeið
Tegund námskeiðs	Skylda
Undanfarar	Engir undanfarar.
Skipulag	Kennt í 12 vikur - 4 fyrirlestrar og 2 dæmatímar vikulega Vikuleg skilaverkefni. Vikulegir viðtals/hjálpartímar.
Kennari	Ingunn Gunnarsdóttir
Lýsing
Stig námskeiðs: 1. Grunnnám, grunnnámskeið. Tegund námskeiðs: Skyldunámskeið fyrir allar námsbrautir í verkfræði. Nauðsynlegir undanfarar: Engir undanfarar. Námskeiðið fjallar um stærðfræðigreiningu raungildra falla af einni breytistærð. Auk þess er farið í undirstöðureikning með tvinntölum. Umfjöllun verður um mikilvægustu föllin og eiginleika þeirra, hér undir; markgildi, samfelldni, diffrun, heildun, línulega nálgun og Taylor-margliður.  Að auki skoðum við nokkrar einfaldar diffurjöfnur og lærum um þrepun.  Áhersla er lögð á að nemendur tileinki sér stærðfræðilega táknanotkun og geti skilið og beitt stærðfræðilegri röksemdafærslu.Lesefni: Robert A. Adams, Calculus, A Complete Course. Fyrirlestrarglósur frá kennara.
Námsmarkmið
Þekking: Stefnt er að því að nemendur geti: •    sett fram helstu skilgreiningar námskeiðsins, t.d. hvenær markgildi er til í punkti, formúlu fyrir Taylor margliður og hvað útgildi er, •    endursagt mikilvægustu setningar námskeiðsins: Höfuðsetningu stærðfræðigreiningarinnar, Milligildissetninguna og Meðalgildissetninguna. Leikni: Stefnt er að því að nemendur geti: •    ákvarðað helstu eiginleika falla af einni breytistærð,  t.d. fundið markgildi og hvort fall er andhverfanlegt, •    reiknað afleiður, stofnföll og Taylor margliður,  •    leyst einfaldar diffurjöfnur, m.a. annars stigs diffurjöfnur með fastastuðlum, •    framkvæmt einfalda útreikninga með tvinntölum, •    beitt þrepun og helstu setningum námsefnisins þegar þær eiga við.Hæfni: Stefnt er að því að nemendur geti: beitt stærðfræðilegri röksemdarfærslu og táknanotkun við uppsetningu lausna úr námsefninu. metið hvaða aðferð á við hverju sinni til að leysa verkefni í stærðfræðigreiningu. notað hugbúnað (t.d. Matlab) við lausn verkefna í námsefninu.
Námsmat
Námsmat er byggt á eftirfarandi þáttum:Skiladæmi, þáttaka í vinnutímum, hlutapróf og skriflegt lokapróf. Standast þarf lokapróf námskeiðsins. Nánari upplýsingar birtast í Canvas.
Lesefni
Ekkert skráð lesefni.
Kennsluaðferðir
Kennt í 12 vikur. Fyrirlestrar og dæmatímar auk vinnutíma nemenda. Tímadæmi, heimadæmi og hlutapróf.
Tungumál	Íslenska