Greining og hönnun hugbúnaðar

Námsgrein	T-216-GHOH
Önn	20243
Einingar	6
Skylda	Nei

Ár	1. ár
Önn	Haustönn/Fall 2024
Stig námskeiðs	Óskilgreint
Tegund námskeiðs	Skylda
Undanfarar	Engir undanfarar.
Skipulag	Ekkert skráð skipulag.
Kennari	Marta Kristín Lárusdóttir
Lýsing
Í námskeiðinu verða skoðaðar aðferðir við framsetningu og skipulag á kröfum til hugbúnaðar og hönnunar hans. Þarfir notandans eru greindar, högun kerfa skilgreind og samvinna við notandann æfð. Nemendur læra hönnunaraðferðir við hugbúnaðarþróun og hönnun notendaviðmóts. Aðal áherslan er á iðkun aðferða við kröfugerð, greiningu, hönnun og prófanir á fyrstu stigum hugbúnaðarþróunar.
Námsmarkmið
Þekking: Þekki aðferðir sem notaðar eru við kröfugreiningu hugbúnaðar. Þekki aðferðir sem notaðar eru við hönnun hugbúnaðar. Þekki nokkrar grundvallarreglur við hönnun notendaviðmóts, geti nefnt helstu staðla og leiðbeiningar við hönnun notendaviðmóts. Þekki mismunandi aðferðir við upplýsingaöflun. Þekki helstu skilgreiningar og eiginleika hlutbundinnar hönnunar. Þekki á hvaða hátt hönnun tölvukerfis eða forrits gæti heppnast eða misheppnast vegna fjölbreytileika mannfólksins. í að nota tilbúin tól og forritasöfn fyrir vélrænt gagnanám til að flokka og klasa gögn. Þekki helstu gerðir prófana sem framkvæmdar eru við hugbúnaðarþróun og hvenær þær eru notaðar. Geti lýst meginhugtökum fyrir notendamiðaða hugbúnaðargerð, svo sem nytsemi og notendaupplifun. Leikni: Hafi þjálfast í að lýsa kröfum, bæði virknikröfum og öðrum kröfum fyrir meðalstór kerfi. Hafi þjálfast í að gera pappírsfrumgerðir og millihönnunarfrumgerðir fyrir hugbúnaðarkerfi. Hafi þjálfast í prófunum á greiningar- og hönnunarstigi. Hafi þjálfast í að prófa mismunandi hluta af hönnun tölvukerfa. Hafi þjálfast í að hanna hugbúnaðarkerfi með stöðuritum, runuritum og klasaritum. Hafi þjálfast í að setja saman þarfagreiningar- og hönnunarskýrslur sem eru skiljanlegar fyrir viðtakendur. Hæfni: Geti sett fram kröfur til tölvukerfa á skiljanlegan máta. Geti hannað notendaviðmót hugbúnaðarkerfa með tilliti til þarfa notenda. Geti prófað hönnun sína og endurbætt með ítrunum. Geti sett fram greiningu sína og hönnun á skiljanlegan máta fyrir aðra, í formi til að mynda skýrslna, frumgerða og líkana.
Námsmat
Ekkert skráð námsmat.
Lesefni
Ekkert skráð lesefni.
Kennsluaðferðir
Engin skráð kennsla.
Tungumál	Íslenska