Hugbúnaðarfræði

NámsgreinT-303-HUGB
Önn20193
Einingar6
Skylda

Ár1. ár
ÖnnHaustönn/Fall 2019
Stig námsgreinar2. Grunnnám, framhaldsnámskeið
Tegund námskeiðsSkylda
UndanfararT-216-GHOH, Greining og hönnun hugbúnaðar
SkipulagEkkert skráð skipulag.
Kennari
Baldur Óli Barkarson
Berglind Kara Guðmundsdóttir
Björn Brynjar Jónsson
Gabríel Sighvatsson
Grischa Liebel
Jón Pétur Jónsson
Lýsing
Viðfangsefni námskeiðsins er að meginefni til vinnuferlið við þróun hugbúnaðar ásamt stuðningsferlum. Skoðuð verður saga þróunarlíkana, hlutverk einstakra aðferða rædd og sérstök áhersla lögð á aðferðir í svokölluðum “Agile” þróunarlíkönum í hugbúnaðarþróun. Sérstök áhersla er lögð á afhendingu síaukins virðis til viðskiptavina og einnig á stöðugar endurbætur á þeim ferlum sem fyrirtækið er að nota. Meðal efnis sem tekið verður fyrir er: Þróunarlíkön, aðferðir og stuðningstól, verkefnastjórnun, gæðastjórnun, gerð áætlana og umfangsmat, mælikvarðar í hugbúnaðarverkefnum, samstæðustjórnun, byggingarferlið, samfelld samþáttun, prófanir og teymisvinna. Einnig verður leitast við að fá reynda einstaklinga úr atvinnulífinu til að deila sinni sýn á þessi mál með nemendum.
Námsmarkmið
Þekking: Þekki þróunarskrefin og helstu þróunarlíkön sem eru notuð við hugbúnaðarþróun. Þekki hvernig á að setja upp sýn hugbúnaðarverkefnis. Þekki hvernig greina á þarfir og halda utan um þær á skipulegan hátt. Þekki hvernig ber að umfangsmeta og halda utan um áætlun hugbúnaðarverkefnis. Þekki mismunandi tegundir útgáfustjórnunarkerfa. Þekki mismunandi tegundir prófana. Leikni: Hafi þjálfast í að greina kröfur verkefnis á skipulegan hátt. Hafi þjálfast í að gera umfangsmat og áætlanir. Geti notað útgáfustjórnunarkerfi. Hafi þjálfast í prófanadrifinni hugbúnaðarþróun. Hafi þjálfast í virkniprófunum. Hafi þjálfast í gerð sjálfvirkra byggingarferla. Hæfni: Geti valið viðeigandi aðferð til að stýra hugbúnaðarverkefni. Geti sett upp tæknilegt þróunar-, prófunar- og rekstarumhverfi. Tileinki sér öguð og vönduð vinnubrögð við þróun, starfrækslu og viðhald hugbúnaðar og hafi gæðin alltaf að leiðarljósi.
Námsmat
Ekkert skráð námsmat.
Lesefni
Ekkert skráð lesefni.
Kennsluaðferðir
Engin skráð kennsla.
TungumálÍslenska