Viðskiptasiðfræði

NámsgreinV-514-VISI
Önn20201
Einingar6
Skylda

Ár1. ár
ÖnnVorönn/Spring 2020
Stig námsgreinar3. Grunnnám, sérhæft námskeið
Tegund námskeiðsSkylda
UndanfararEngir undanfarar.
Skipulag4 fyrirlestrar á viku
Kennari
Ketill Berg Magnússon
Lýsing
Hremmingar Íslensku þjóðarinnar í kjölfar bankahrunsins hafa sýnt okkur að siðferðileg álitaefni í viðskiptum eru ótalmörg og geta verið afar afdrifarík fyrir einstaklinga, fyrirtæki, og heilar þjóðir. Viðskipti og fyrirtæki eru hluti af samfélaginu og þeim þarf að stjórna af ábyrgð og í sátt við þá sem eiga hagsmuna að gæta. Í þessu námskeiði verða siðferðileg álitamál kryfjuð. Erfiðum spurningum velt upp og nemendum gefinn kostur á að nota aðferðir viðskiptasiðfræðinnar til að þjálfa sig í taka ákvarðanir um siðræn málefni í viðskiptum. Þetta er ekki eingöngu tæknilegt námskeið heldur fjallar það um lífssýn nemenda, gildi og hvernig orðspor þeir vilja eiga í viðskiptum. Skoðaðar verða kenningar um siðferði einstaklinga í viðskiptum, kenningar um samfélagslega ábyrgð fyrirtækja (CSR) sem og kenningar um siðferðilegan grundvöll viðskipta yfirleitt. Stuðst verður við raundæmi úr íslensku og alþjóðlegu viðskiptalífi.
Námsmarkmið
Markmið námskeiðsins er að nemandinn öðlist þekkingu, leikni og færni í viðskiptasiðfræði og samfélagslegri ábyrgð. Í því felst í að nemandinn: •geti útskýrt helstu hugtök og kenningar um viðskiptasiðfræði og samfélagslega ábyrgð fyrirtækja •geti komið auga á siðferðisleg álitaefni í viðskiptum og tekið rökstuddar ákvarðanir um þau •geti beitt helstu aðferðum viðskiptasiðfræði og samfélagslegrar ábyrgðar •geti sett fram kynningu um hvernig fyrirtæki geti fengist við samfélagslega ábyrgð sína með skipulögðum hætti, byggt á greiningu á fyrirtækinu og rannsóknum. •geti sett fram heilstætt og rökstutt viðhorf til tengsla og ábyrgðar einstaklinga og fyrirtækja gagnvart samfélaginu
Námsmat
Umræður og þátttaka í tímum, hlutapróf, umræðuþræðir, hópverkefni, lokapróf.
Lesefni
Ekkert skráð lesefni.
Kennsluaðferðir
Fyrirlestrar, raundæmi og siðaklemmur, umræðuþræðir, hópavinna. Gerð er krafa um virka þátttöku í tímum.
TungumálÍslenska