Hallgrímur Ásgeirsson er yfirlögfræðingur Landsbankans hf. og sérfræðingur við lagadeild Háskólans í Reykjavík. Á árunum 2005-2011 starfaði hann sem framkvæmdastjóri hjá Eftirlitsstofnun EFTA (Internal Market Affairs Directorate). Á árunum 2001-2005 starfaði hann sem aðstoðarframkvæmdastjóri fjármálasviðs Seðlabanka Íslands og var jafnframt framkvæmdastjóri Tryggingarsjóðs innstæðueigenda og fjárfesta. Þá var hann formaður samráðsnefndar um frágang verðbréfaviðskipta og átti sæti í samstarfsnefnd evrópskra bankaeftirlitsyfirvalda (CEBS) og í kauphallarnefnd.  Á árunum 1998-2001 starfaði hann sem sérfræðingur á sviði fjármálalöggjafar hjá Eftirlitsstofnun EFTA í Brussel. Hann var forstöðumaður lögfræði- og stjórnsýslusviðs Siglingastofnunar Íslands 1996-1998 og lögfræðingur við lögfræðideild Búnaðarbanka Íslands 1993-1996. Hann var jafnframt stundakennari við lagadeild Háskóla Íslands 1994-1998.