Samhæfð vöruþróun; kerfi og ferlar

Námsgrein	T-814-PROD
Önn	20243
Einingar	8
Skylda	Nei

Ár	1. ár
Önn	Haustönn/Fall 2024
Stig námsgreinar	6. Framhaldsnám, sérhæft námskeið
Tegund námskeiðs	Valnámskeið
Undanfarar	Engir undanfarar.
Skipulag	Ekkert skráð skipulag.
Kennari	Páll Kristján Pálsson
Lýsing
Fjallað verður um verkfræðilega nálgun við nýsköpun og frumkvöðlafræði í fyrirlestrum og verkefni unnið í starfandi fyrirtæki. Með auknu frelsi í viðskiptum og alþjóðavæðingu eykst samkeppni á milli fyrirtækja. Jafnframt gera neytendur sífellt auknar kröfur um nýjar lausnir og tækniþróunin leiðir til úreldingar lausna. Aðstæður sem þessar kalla á stöðuga nýsköpun í rekstri fyrirtækja og skilning á eðli nýsköpunar og frumkvöðlafræða. Nýsköpun er ekki aðeins nauðsynleg í hátæknifyrirtækjum heldur öllum fyrirtækjum sem ætla að lifa og dafna. Í námsskeiðinu er farið yfir nýsköpun og nýsköpunarhæfni fyrirtækja út frá markaðslegum, tæknilegum/verkfræðilegum, skipulagslegum og fjárhagslegum forsendum. Fjallað verður um hugtökin nýsköpun og frumkvöðlafræði og þýðing þeirra í nútíma rekstri útskýrð og sett í samhengi við árangur. Einnig verður fjallað um þekkingarverðmæti, hugverkavernd og einkaleyfi (intellectual property rights). Þá verður fjallað um alþjóðavæðingu og áhrif hennar á nýsköpunarferlið. Sérstök áhersla verður lögð á kerfisbundna uppbyggingu þeirra verkferla er tengjast nýsköpun og verkefni unnið í starfandi fyrirtæki á því sviði.
Námsmarkmið
Að nemendur öðlist skilning á rótum árangurs og mistaka í nýsköpun innan fyrirtækja, hvernig fyrirtæki geta þróað, viðhaldið og aukið hæfni sína til nýsköpunar og þýðingu nýsköpunar og frumkvæðishugsunar fyrir tilvist fyrirtækja.  Byggja upp þekkingu á aðferðafræði og ferlum nýsköpunar og samhengi þessara þátta við frumkvöðlahugsun og þróun nýrra afurða (vöru og þjónustu). Að nemendur hafi öðlast skilning á mikilvægustu þáttum í nýsköpun innan fyrirtækja og geti sett fram leiðir/líkön til að byggja nýsköpunarferla á.Að nemendur kunni að beita helstu aðferðum á sviði nýsköpunar innan  fyrirtækja með því að greina ástand og spá fyrir um með hvaða aðferðum líklegast sé að besta megi árangurinn á sviði nýsköpunar og leysa þau verkefni sem þörf er á. Einnig að nemendur geti lýst núverandi ástandi og sett fram tillögur um uppbyggingu nýksöpunarferla og kerfa í fyrritækum þannig að unnt sé að vinna eftir þeim.Að nemendur geti aðlagað fræðileg líkön tengd nýsköðun að raunverulegum aðstæðum í  fyrirækjum, gert raunhæf líkön um lausnir, kynnt og rökstutt tillögur sínar og þekki leiðir til að skipuleggja og framkvæma tillögurnar og túlka niðurstöður aðgerða.
Námsmat
Munnlegt próf gildir 32% og verkefnið 68%.
Lesefni
Ekkert skráð lesefni.
Kennsluaðferðir
Tungumál	Enska