Skuldabréfagreining og vaxtalíkön

Námsgrein	T-815-FIXE
Önn	20243
Einingar	8
Skylda	Já

Ár	1. ár
Önn	Haustönn/Fall 2024
Stig námsgreinar	5. Framhaldsnám, framhaldsnámskeið
Tegund námskeiðs	Skylda
Undanfarar	Engir undanfarar.
Skipulag	Ekkert skráð skipulag.
Kennari	Heiðar Ingvi Eyjólfsson
Lýsing
Í þessum kúrs verður farið yfir helstu eiginleika skuldabréfa og annarra eigna sem hafa verð sem tengist þróun vaxta og verðbólgu. Mismunandi tegundir skuldabréfa verða tekin fyrir svo sem kúlubréf, arðgreiðslu bréf og bréf sem greiða fastan arð eða arð sem tengist þróun vaxta eða valinna vísitalna. Eins verða rædd skuldabréf með innbyggðum kaup – eða sölurétti eða möguleika til að breyta þeim í hlutabréf. Rædd verða mismunandi líkön fyrir vaxtaferilinn og eins aðferðir til að setja hann saman með því að styðjast við markaðsverð mismunandi vaxtaverkfæra. Við ræðum nokkur mikilvæg atriði sem tengjast áhættustýringu eignasafns af skuldabréfum. Sýnt verður hvernig notast er við Value at risk, duration og convexity til að magnsetja og stýra áhættu sem fylgir skuldabréfaeignasafni. Afnæmisaðgerðir fyrir söfn skuldabréfa verða innleiddar og þær notaðar til að hanna söfn sem standa undir framtíðar greiðsluskuldbindingum. Aðferðir til að áhættustýra verðbólgu verða kynntar og tekin verða dæmi sem notast við verðbólgutryggð skuldabréf og/eða verðbólgutengda skiptasamninga. Í lokin verða rædd mismunandi slembilíkön fyrir greiningu skuldabréfa og vaxtaferla. Kynnt verða bæði tvíliða tré og samfelldir slembiferlar í tengslum við nokkur vel þekkt vaxtalíkön, s.s. þau sem eru kennd við Vasicek, Hull-White, Ho-Lee og Black-Derman-Toy. Þessum líkönum verður beitt til að hanna vaxtaferilinn og eins til að verðleggja skuldabréf og vaxtaafleiðusamninga
Námsmarkmið
Að námskeiðinu loknu verður nemandinn fær um að skilja og að geta beitt grundvallar hugtökum og verkfærum úr skuldabréfagreiningu á margvísleg hagnýt verkefni, bæði í fyrirtækja og banka geiranum. Kynntar verða mismunandi aðferðir við greiningu skuldabréfa, vaxtaverkfæra og vaxtaafleiðusamninga. Sýnt verður hvernig mismunandi vaxtaverkfæri eru notuð í fjármálaheiminum við áhættustýringu og við samsetningu á fjárstreymi til að standa undir margvíslegum skuldbindingum. Lögð verður áhersla á að kynna nemendum aðferðir til að verðleggja mismunandi vaxtasamninga. Þetta meginmarkmið má brjóta niður í eftirfarandi undirviðmið: Kunna skil á og geta greint mismunandi fjárstreymis hugtök, eins og nú – og framtíðar verð, niðurgreiðslur og verðtryggingu Geta greint og verðlagt mismunandi skuldabréf, hvort sem er með föstum eða breytilegum arðgreiðslum, sem geta tengst verólgu eða öðrum vísitölum Hafa góðan skilning á mismunandi vaxtahugtökum, s.s. „par yield“, skyndivöxtum, framvirkum vöxtum og skiptivöxtum Geta notað „bootstrap“ aðferðir til að hanna vaxtaferilinn út frá verði mismuna vaxta verkfæra s.s. kúlubréfa, arðgreiðslu bréfa og vaxtaskiptasamninga Skilja hvernig „structured notes“, með eða án innbyggðra afleiðusamninga, eru verðlagðar Kunna skil á duration and convexity og hvernig þessi hugtök eru notuð til að áhættustýra skuldabréfasöfnum Geta beitt „immunization“ aðferðum til að setja saman söfn skuldabréfa til að mæta skuldbindingum Geta verðlagt verðbólgutengd skuldabréf og skiptasamninga og notað þessi verkfæri til að verjast óvissu um framtíðarþróun verðbólgu Kunna að nota einþátta slembilíkön til að verðleggja kúlubréf og önnur einföld vaxtaverkfæri Geta beitt HJM líkaninu og Libor markaðslíkönum til að verðleggja þök, gólf, vaxtaskiptasamninga og afleiðusamninga á vaxtaskiptasamninga
Námsmat
Lesefni
Ekkert skráð lesefni.
Kennsluaðferðir
Tungumál	Enska